Tatarstan yaşläre Konstantsadan kayttı

15 sentyabr könne Rumıniyaneñ Konstantsa şähärendä uzgan Dönya törki yaşlär könnäre häm korıltaenda katnaşkan Bötendönya tatar yaşläre Forumı byurosı räise Azat İslaev, ägzaları Mars Tukaev häm Timur Urazbaxtin Kazanga kayttı.

Bıelnıñ 4-11 sentyabr könnärendä ütkän älege çarada Rossiya Federatsiyase, Kazaxstan, Kırgızstan, Üzbäkstan, Törekmänstan, Äzerbäycan, Ukraina (Kırım), Moldova (Gagauziya), Polşa, Gollandiya, Germaniya, Avstriya, Bolgariya, Törkiya, Äfganstan - barlıgı 20 ildän, 30 dan artık törki oeşmalarnıñ väkilläre kilgän ide. Älege çarada Rossiyadän Tatarstan delegatsiyasennän tış Yakutiya, Xakasiya, Başkortostan, Çuvaşiya väkilläre, nogay, teleut, Başkortostan tatarları, Seber tatarları, Omsk kazaxları katnaştı.

Dönya törki yaşläre korıltaenıñ iñ berençese 1992 elda başkalabız Kazanda oeşkan ide. Annan soñ ul Ufa, Baku, Kırım, Çebaksar, Bişkek, Törkstan (Kazaxstan), Tönyak Kiprda ütkän. Rumıniyadä uzganı - unberençese. Monı oeştırunı Rumıniyadäge tatar häm törek cämgıyatläre belän Törkiyadäge "Törek uçakları" oeşması üz östenä algan.

Korıltay 5 sentyabr könne açıldı. Älege tantanaga Rumıniyaneñ milli azçılıklar ministrı, Kazaxstan, Äzerbäycan häm Törkiyaneñ Rumıniyadäge ilçeläre, Rumıniya parlamentındagı tatar häm törek deputatları, Konstantsa ölkäse gubernatorı, şähär xakimiyate başlıgı häm başka räsmi keşelär katnaştı.

Dönya törki yaşlär könnäre kısasında korıltaynıñ törle komissiyaläre utırışları, "Tınıçlık dine - islam" digän tema astında simpozium, törki dönyanıñ yaş yazuçıları cıelışı ütkärelde. Säyasät komissiyaseneñ cıelışı Bötendönya tatar yaşläre Forumı byurosı räise Azat İslaevnıñ täkdime belän Tönyak Osetiyadäge terror korbannarın iskä alıp, ber minut tınlık belän başlandı. Şulay uk Tatarstan delegatsiyaseneñ telägen iskä alıp Tönyak Osetiya xalkına kaygıların urtaklaşu xatı yullau kararlaştırıldı. Bu täkdimnär Korıltay kararlarında da çagılış taptı.

2005 elda uzaçak Dönya törki yaşlär Korıltaenıñ unikençesen üzlärendä ütkärergä teläüçe illär küp buldı. Alar arasında Äzerbäycan, Tönyak Kipr, Mongoliya dä bar. Bu mäsälädä karar 2005 elnıñ yazgı aylarında Gagauziyadä uzaçak liderlar sovetında kabul iteläçäk.

Gölnaz Şäyxi

http://www.intertat.ru/index.php?cat=lf&id=51442